Солтүстік Қазақстан облысында мобильді топтар 500-ден астам тексеру жүргізді, – деп хабарлайды Polisia.kz.
Мобильді топтардың мақсаты – отбасының тұрмысы төмен тізімге енуіне жол бермеу, қиын өмірлік жағдайда аумақтық полиция бөлімшелері жанындағы жедел әрекет ету топтарының басты міндеттерін уақтылы қолдау. Мобильді топтарға тәртіп сақшыларынан басқа, мүдделі мемлекеттік органдардың, үкіметтік емес ұйымдардың, жұртшылықтың өкілдері кіреді.
Петропавлда ювеналды полицейлердің ақпараты бойынша көп балалы, толық емес, ерекше білім беру қажеттілігі бар 4 отбасы болды. Оларға заңгерлік және консультациялық көмек көрсетілді.
– Барлық адамдар белгілі бір өмірлік жағдайда өз құқықтары туралы біле бермейді. Мобильді топтардың қатысушылары құқықтық көмек көрсетеді, мысалы атаулы әлеуметтік көмекті ресімдеу, мүгедектік беру, алимент алу мәселелері бойынша жәрдемдеседі. Тығыз ведомствоаралық өзара іс-қимыл проблемаларының туындауын барынша болдырмауға, әлеуметтік оңалтуды уақтылы ұйымдастыруға мүмкіндік береді, – дейді СҚО ПД ЖПҚ басқарма бастығының міндетін атқарушы Александр Розбах.
Сондай-ақ мобильді топтардың ерекше назар аударатын аймағында – балалардың жыныстық қылмыстары үшін сотталған, ата-аналық міндеттерін орындамаған, алкоголь мен есірткіні қолдануға бейім адамдармен бірге тұратын отбасылар бар. Мобильді топ қызметкерлері оларға балалардың өмір салты мен толыққанды даму мүмкіндіктерін зерттеу үшін үнемі барып тұрады.
Жыл басынан бері СҚО-да мобильдік топтар 500-ден астам тексеру жүргізді, оның барысында мүдделі мемлекеттік органдардың ерекше назарын талап ететін 64 отбасы анықталды, олар бойынша тиісті инстанцияларға 84 хабарлама жіберілді.
