Биыл Павлодар облысының жолдарында 25 мыңнан астам бұзушылық тіркелді, – деп хабарлайды Polisia.kz.
Павлодар өңірінде жол жүру ережелерін бұзушылықтардың жолын кесуге бағытталған тағы бір мобильді қосымша енгізілді.
– “Қорғау» мамандандырылған бағдарламалық қамтамасыз ету бақылау шекарасынан өткен көлік құралдары туралы өзекті ақпаратты онлайн-режимде алуға, мемлекеттік тіркеу нөмірлік белгілерін тануға, іздестіру, әкімшілік айыппұлдар бойынша өтелмеген берешек, көлік құралдарын сақтандырудың болмауы, болуы және көлік құралдарын техникалық байқаудың болмауы туралы деректерді қоса алғанда, жол жүрісі қағидаларын бұзушылықтарды тіркеуге мүмкіндік береді, – деді Павлодар облысының полиция департаменті.
Бұл қосымша облыс орталығында 29 қыркүйектен бастап жұмыс істейді, нәтижесінде төленбеген айыппұлдар бойынша 68 хабарлама жіберілді, бір көлік құралы мамандандырылған айыппұл тұрағына қойылды.
Қоғамдық қауіпсіздікті қамтамасыз ету үшін облыс орталығында бейнебақылауды жедел басқару орталығының 117 камерасы жүзеге асырады, оның көмегімен 10 айда 11 мыңнан астам әкімшілік құқық бұзушылық жойылып, 24 қылмыс ашылды. 56 мыңнан астам құқық бұзушылық ЖЖЕ бұзушылықтарын тіркеу құралдарымен анықталды: redspeed камералары, интегралды жүйелер, Автоураган және Оракул. Айыппұлдардың жалпы сомасы 597 миллион теңгеден асты.
Бұдан басқа, облыс жолдарындағы және Кибер-шерифтің 6 борттық аппараттық-бағдарламалық кешеніндегі қауіпсіздікті қадағалайды, бұл ЖҚЕ бұзушылықтарын автоматты режимде тіркеуге, сондай-ақ көлік пен жүргізушілерді қолда бар ақпараттық базалар бойынша тексеруге мүмкіндік береді.
Осы жүйелермен бүгінгі күні 25851 бұзушылық анықталды, олар бойынша 356 млн теңге сомасына айыппұл салынды. 283 көлік құралы айып тұрағына қойылды.
