Екібастұзда жол белгілері жаңартылып жатыр, – деп хабарлайды Polisia.kz.
Екібастұзда 363 жол белгісі жаңартылды. Үш жаңа жаяу жүргіншілер нысаны орнатылды. Жол қозғалысы қауіпсіздігін қамтамасыз ету үшін жұмыстар тұрақты негізде жүргізіледі. Жаңа оқу жылына орай қала мектептерінің жанында 23 жол белгілері жаңартылған еді.
– Бұған дейін де жол инфрақұрылымы элементтерін жаңарту бойынша ауқымды жұмыс жүргізілген болатын. Бірақ жаңбыр мен қардың әсерінен бірте-бірте жол элементтерінің барлығы жарамсыз болып қалады, не болмаса оларды көру қиынға соғады. Сондықтан жаңа оқу жылынада дәстүрге орай оқу орындарының маңында зебралар мен жол сызықтарын, белгілерді ретке келтіру жұмыстары жүргізіледі. Биылғы жұмыс тамыз айында басталды. Оқу жылы басталғанға дейін Екібастұз қаласы ПБ-ның ұйғарымына сәйкес, мамандандырылған құрылыс компанияларының бірі жергілікті жерлерде мектептер жанындағы жаяу жүргіншілер өтпелеріне 34-ке жуық жол белгілерін орнатқан. Жасанды кедір-бұдырлар да жаңартылды, – деп хабарлады Екібастұз қаласы ПБ бастығының бірінші орынбасары Төлеген Құдайбергенов.
