Екібастұзда жол жүру ережелерін бұзған азаматтарға бірден 9 әкімшілік хаттама толтырылды, – деп хабарлайды Polisia.kz.
Екібастұз қаласының полициясына жүргізушілердің жол жүру ережелерін өрескел бұзғаны туралы бейне хабарлама келіп түсті. Осы видео бойынша полицейлер тексеру жүргізді.
– 5 қарашада Kia Rio, Nissan Terano, Lada Granta, Lada Priora, Hyundai Elantra және Chevrolet Nexia автокөліктеріндегі жүргізушілер, Екібастұз – Стелла автожолында жүргізушілердің жолын кесіп, жол қозғалысының басқа қатысушылары үшін апаттық жағдайлар туғызғаны анықталды. Балалардың өздері зардап шегіп қана қоймай, басқа жүргізушілер де олардан сақ болуға мәжбүр болды, – дейді Павлодар облысы полиция департаментінің баспасөз қызметі.
Патрульдік полицейлер 19 бен 24 жас аралығындағы алты жүргізушіні ұстады, оларға қатысты 9 әкімшілік іс қозғалды: апаттық жағдай жасау, жолаушыларды тасымалдау ережелерін сақтамау, маневр жасау ережелерін бұзу, көлік құралын мемлекеттік нөмірсіз жүргізу. Әрқайсысына 30 АЕК мөлшерінде айыппұл салынды.
Бұдан басқа, егер жол жүру ережелерімен тыйым салынған, оның ішінде бұрылыспен немесе бұрылыспен ұштасқан жағдайларда, қарсы қозғалысқа арналған жолдың жүру бөлігінің жағына шыққаны үшін жасалған материал сотқа жіберілді.
Барлық көлік құралдары тәркіленіп, арнайы айып тұрағына қойылды.
