ІІМ-нің академиясында ҚР Конституциясы күніне арналған конференция өтуде, – деп хабарлайды Polisia.kz.
Қазақстан Республикасы ІІМ Б. Бейсеноватындағы Қарағанды академиясында “Қазақстан Республикасының Конституциясы заңдылықтың кепілі ретінде: жүріп өткен жолынталдау мен қалыптастыру” атты халықаралық ғылыми-практикалық онлайн-конференция басталды.
Іс-шара Қазақстан Республикасының Конституциясы күніне орай ұйымдастырылды.
Конференция жұмысына Қазақстан Республикасы Ішкі істер министрінің орынбасары Сәкен Сәрсенов, Конституциялық Кеңестің мүшесі Үнзила Шапақ, мемлекеттік органдардың, ведомстволық оқу орындарының өкілдері, жақын шетелдерден белгілі заңгер ғалымдар, Қазақстан Республикасының конституциялық құқығы саласындағы мамандар қатысуда.
Елімізде тәуелсіздік жылдарында азаматтардың конституциялық құқықтары мен бостандықтарын қылмыстық қол сұғушылықтан қорғаудың жеткілікті тиімді жүйесі қалыптасты.
Ішкі істер министрінің орынбасары Сәкен Сәрсенов жиналғандар алдында сөйлеген сөзінде Қазақстанның дамыған 30 елдің қатарына кіруі үшін “2050-Стратегиясының” тарихи мақсаттары мен міндеттерін жүзеге асыруда Конституцияның маңызды рөліне тоқталды.
– Негізгі Заңның ережелерін басшылыққа ала отырып, біз қоғамдағы бейбітшілік пен тыныштықты нығайтуға, жеке тұлғаның шығармашылық, интеллектуалдық және кәсіби әлеуетін жүзеге асыру үшін қажетті жағдайлар жасауға, әр адамның әл-ауқатын қамтамасыз етудеміз, – деді Сәкен Сәрсенов.
Министрдің орынбасары азаматтардың қылмыстық және басқа да заңсыз қол сұғушылықтардан қауіпсіздігі үшін қажетті жағдай жасаудағы құқық қорғау органының рөліне тоқталды.
– Ішкі істер министрлігі жаңа модельді полиция қызметкерін қалыптастыру бойынша жұмыс жүргізуде, ол үшін адам, оның өмірі, құқықтары мен бостандықтары оның барлық әрекеттері мен істерінде басымдыққа ие, – деді ол.
Ғылыми шара аясында құқық қорғау органдарының, конституциялық негіздердің және Қазақстандағы және әлемдегі жүйенің қазіргі жағдайы, сондай-ақ өзекті мәселелер бойынша азаматтың құқықтары мен бостандықтарын қамтамасыз ету тұрғысынан сындарлы пікір алмасу болды, сондай-ақ конституционализм теориясы мен практикасының мәселелері талқыланды.
Қазақстан Республикасында полиция қызметіне парламенттік бақылау институтын дамыту мәселесі, билікті асыра пайдалану тәуекелінің жоғары болуына байланысты және осы салаға қатысатын азаматтардың құқықтары мен бостандықтарының сақталуы мен қорғалуына кепілдік беру қажеттілігіне байланысты мәселелер үлкен қызығушылық тудырды.
Интернеттің қазіргі өмірде алатын орнын ескере отырып, цифрлық адам құқықтарын құқықтың жеке тобы ретінде бөліп шығару туралы бастама ұсынылды. Ғалымдардың айтуынша, бұл желідегі адам құқықтарын қорғаудың қажеттіліктерін жақсырақ жүйелендіруге және зерттеуге көмектеседі.
Конференция қорытындысы бойынша халықаралық қатынастар мен Қазақстан Республикасының салалық заңнамасы, сонымен қатар практикалық қызмет саласындағы нормативтік құқықтық актілерге өзгерістер мен толықтырулар енгізу бойынша ұсынымдар әзірленді.
Естеріңізге сала кетейік, 30 тамызда Қазақстан азаматтары 1995 жылғы жалпыхалықтық референдумда Қазақстан халқы қабылдаған Қазақстан Республикасы Конституциясының 26 жылдығын атап өтеді.
