Ақпараттық медиа-портал POLISIA.KZ

ІІМ- Қаржы пирамидасының ұйымдастырушылары ұсталды

27 ақпан “Гарант-24” ЖШС және “Выгодный займ” қаржы пирамидаларының құрылтайшылары ұсталды, – деп хабарлайды Polisia.kz.

Қазақстандық полицейлер “Гарант-24” ЖШС басшысы Аслан Мырзабековтың қозғалыс жолын анықтады.

21 қаңтарда ол Ақтөбеден Орынборға шығып, одан әрі Мәскеуге ұшып, сол жерден пойыз арқылы Кишинев қаласына жол жүрген.

Қазақстандық тараптың арнайы сұранысы бойынша Мұрзабеков молдавиялық полицейлермен қолға түсті. Қазіргі уақытта оны Қазақстанға экстрадициялау мәселесі шешілуде, тиісті материалдар Молдова құзыретті органдарына жіберілетін болады.

Сонымен қатар, кеше Қазақстан мен Ресей шекарасында “Выгодный займ” ЖШС құрылтайшысы Жанболат Есіркепов ұсталып, тергеу изоляторына қамалды.

Осылайша, бүгінгі күні іс бойынша 16 күдікті қамауға алынды, тағы 9 ломбардтағы басшы іздестірілуде.

Естеріңізге сала кетейік, азаматтардың “Гарант 24 Ломбард”, “ESTATE Ломбард” және “Выгодный займ” ЖШС иелеріне қатысты өтініштері бойынша алаяқтық және қаржы пирамидаларын құру фактілеріне қатысты полиция 22 қылмыстық істі тергеуде.

Сондай-ақ оқыңыздар

Жауап қалдыру