Ішкі істер министрімен кездесу жасөспірімді жарыста жеңіске жетуге шабыттандырды, – деп хабарлайды Polisia.kz
Ақмола облысының жасөспірімі еліміздің бас полицейімен кездейсоқ кездесіп қалып, Астана қаласында өткен каратэден қалалық жарыста бірінші орынды иеленді. Мұндай жаңалықпен оның жаттықтырушысы бөлісті.
Қазан айының соңында Ішкі істер министрі Марат Ахметжанов Қосшы қаласының полиция бөліміне және елордаға жақын орналасқан қаланың учаскелік полиция пункттеріне барған болатын. Осы уақытта учаскелік пункттердің бірінде ювеналды полиция бөлімінің қызметкері кәмелетке толмаған Нұрдәулетпен профилактикалық әңгімелесу өткізіп жатты.
Министр жасөспіріммен әңгіме жүргізіп, оның барысында кәмелетке толмаған баланың теріс қылық жасағаны және осыған байланысты профилактикалық есепке алынғаны анықталды.
Баламен болған оқиғаның егжей-тегжейін білген Марат Ахметжанов жасөспірімге спортшы ретінде спорттық биіктерге жетуді және өмірде тек жақсылыққа ұмтылуды тіледі.
Бүгінгі таңда Нұрдәулет спортпен белсенді айналысады және келесі күні елордада өткен қалалық жарыста құрметті жүлделі орынға ие болды.
Айта кетсек, ведомство басшысына Қосшы қаласының тұрғыны өзінің мәселесі туралы айтып берді. Бұл күні әйел Қосшы қаласы полиция бөлімінің кезекші бөліміне алаяқтық туралы арызбен жүгінген. Қаскүнемдер көпшілікке белгілі схема бойынша әрекет етіп, өздерін банк қызметкерлері ретінде таныстырып, ауыл тұрғынынан 800 мың теңгені жымқырып кеткен.
Полицейлер қылмыстық тізбектің буындарын біртіндеп ашып, күдікті адамдарды анықтау бойынша ауқымды жұмыс атқарып, нәтижесінде алаяқтарды анықтап, әйелге тиесілі ақшаны қайтарып берді.
Бүгінде Қосшы қаласы ПБ қызметкерлері қылмысқа қатысы бар дегендердің барлық қатысушыларын анықтау бойынша одан әрі тергеу жүргізуде.
Риза болған әйел өз кезегінде Марат Ахметжанов пен Ақмола полицейлеріне алғыс сөздерін айтты.
