Маңғыстау облысы бойынша ҚАЖД қызметкерлерінің балалары департамент мұражайына барды, – деп хабарлайды Polisia.kz.
Маңғыстау облысы бойынша қылмыстық-атқару жүйесі департаменті (ҚАЖД) қызметкерлерінің балалары 2022 жылы ашылған департамент мұражайына қызықты экскурсия жасады. Мұражай экспозициясы ерекше, өйткені көптеген экспонаттар сотталғандардың қолымен жасалған.
ҚАЖД мұражайы келушілерді қылмыстық-атқару жүйесінің тарихы мен қызметімен таныстыру, сондай-ақ сотталғандардың оларды түзету және қайта әлеуметтендіру процесіндегі жетістіктерін көрсету мақсатында құрылды. Мұражайда ұсынылған түрлі қолдан жасалған бұйымдардан басқа, Маңғыстау облысының аумағында әр жылдары жұмыс істеген мекемелердің макеттерін де көруге болады.
Экскурсия соңында балаларға сыйлықтар — сурет салуға арналған керек-жарақтар берілді, бұл жас келушілерді қуантып, оларды шығармашылыққа шабыттандырды.
-Мұндай іс-шаралар ұрпақтар арасындағы байланысты нығайтуға және департаменттің қызметі туралы хабардарлықты арттыруға ықпал етеді, – дейді ведомствоның тәрбие және кадр саясаты бөлімі бастығының міндетін атқарушы Нұрлан Ақмұрадов.
