Нұр-Сұлтанда жүргізуші самокатта келе жатқан баланы қағып кетті, – деп хабарлайды Polisia.kz.
«Mitsubishi» автокөлігінің жүргізушісі Мыңарал көшесіндегі үйдің ауласымен келе жатып, солға бұрылу кезінде маневрдің қауіпсіздігіне көз жеткізбестен, самокатта келе жатқан үш жасар баланы қағып кеткен.
Жол-көлік оқиғасы салдарынан бүлдіршін дене жарақатын алған. Қазіргі уақытта аталған факті бойынша анықтау жүргізілуде.
Ағымдағы жылдың басынан бастап қала аумағында кәмелетке толмағандардың қатысуымен 14 ЖКО тіркелді, қаза тапқандар жоқ.
