Өскеменде қалалық пробация қызметінен жалтарған 50-ден астам сотталған түрмеге жабылды, – деп хабарлайды Polisia.kz.
Шығыс Қазақстан облысында ағымдағы жылдың 5-11 желтоқсан аралығында “Құқықтық тәртіп” жедел-профилактикалық іс-шарасы қоғамдық тәртібі белсенді өтуде.
Облыс орталығында бес күн бойы қалалық пробация қызметінің қызметкерлері тұрғылықты жері бойынша пробация есеінде тұрған 140-ден астам сотталғанды тексерді.
“Құқықтық тәртіп” жедел-профилактикалық іс-шарасын өткізу кезінде ШҚО бойынша ҚАЖД Өскемен қаласы пробация қызметінің қызметкерлері ШҚО ДПП Жергілікті полиция қызметінің қызметкерлерімен бірлесіп облыс, кешкі және түнгі уақытта тұрғылықты жері бойынша пробация қызметінің есебінде тұрған сотталғандарды тексереді.
Анықталған заң бұзушылықтардың қорытындысы бойынша пробация қызметінің инспекторлары профилактикалық жұмыстарды жүргізді. Мәселен, тәртіп бұзушыларға сағат 22.00-ден келесі күні таңғы 6-ға дейін тұрғылықты жерінен шықпау туралы инспекторлар тарапынан ескертулер берілді. Бұзушылық қайталанған жағдайда бұл адамға жаза түрін бас бостандығынан айыру жазасымен ауыстырамыз деп қорқытады.
– Сот шешімін орындау туралы бірнеше рет қойылған талаптарды елемей, 35 жастағы Өскемен қаласының тұрғыны кезекті тіркеуге пробация қызметіне келмей, сонымен қатар әкімшілік құқық бұзушылық жасаған. Сотталушы достарымен қоғамдық орында алкогольдік ішімдік ішкен.
Пробация қызметінің есебінде тұрған 20 жастағы облыс орталығының тұрғыны бас бостандығын шектеу түріндегі жазаны өтеу тәртібі мен шарттарын елемей, сот белгілеген тәртіпті бұза бастаған. Сотталушы түнгі уақытта тұрғылықты жерінен бірнеше рет болмаған.
Сонымен қатар, ер адам дәлелді себепсіз белгіленген уақытта міндетті тіркеуге келмеген. Жазаны өтеу тәртібін жүйелі түрде бұзғаны үшін пробация қызметінің қызметкерлері бас бостандығын шектеуді бас бостандығынан айыру жазасына ауыстыру мәселесін шешу үшін сотқа екі материал жіберді, – деді пробация қызметі басқармасының басшысы Мақсат Манарбеков.
Сонымен бірге, ағымдағы жылдың 11 айында Өскемен қаласының пробация қызметінің қызметкерлері сот шешімімен бас бостандығын шектеуді бас бостандығынан айырумен алмастырды. Сотталғандар жазасын өтеу тәртібін бұзып, сот бас бостандығын шектеуді бас бостандығынан айырумен алмастырды.
– Мұндай іс-шараларды тұрақты түрде өткізу пробация қызметінің есебінде тұрған сотталғандарды бақылау жүйесінің жай-күйіне, олардың құқық бұзушылықтарын анықтауға және жолын кесуге оң әсерін тигізуде. Шара ағымдағы жылдың 11 желтоқсанына дейін жалғасады, – деді Мақсат Манарбеков.
