Өскемендік тұрғын жүргізуші құқығынан айырыла тұра, мас күйде көлік басқарған, – деп хабарлайды Polisia.kz.
Наурыз айының соңында ШҚО ПД патрульдік полиция батальонының қызметкерлері облыс орталығы көшелерін патрульдеу барысында Мостовая көшесінде 28 жастағы жергілікті тұрғынның басқаруымен BMW автокөлігін тоқтатты. Куәландыру нәтижелері бойынша ер адам автокөлікті «орташа дәрежедегі» алкогольдік масаң күйде басқарғаны анықталды.
Сондай-ақ, тексеру кезінде жүргізушінің көлік құралын басқару құқығынан 2021 жылы 7 жыл мерзімге айырылғандығы белгілі болды.
Көлік құралы айыппұл тұрағына қамалды, көлік жүргізушісі қамауға алынды.
Аталған факті бойынша ҚР ҚК-нің 346-бабы 1-бөлігі (Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) бойынша сотқа дейінгі тергеу амалдары басталды, оның санкциясымен 5 жылға дейін бас бостандығынан айыру жазасы қарастырылған.
