Павлодарда №63 және №46 мекемелерінің қызметкерлері бос жұмыс орындары жәрмеңкесіне қатысты, — деп хабарлайды Polisia.kz.
2026 жылғы 28 тамызда №63 және №46 мекемелерінің қызметкерлері Павлодар қаласының Орталық жағалауында өткен жұмыссыз азаматтарға арналған бос жұмыс орындары жәрмеңкесіне қатысты.
Іс-шараны Павлодар облысының жұмыспен қамтуды үйлестіру және әлеуметтік бағдарламалар басқармасының “Еңбек мобильділігі орталығы” КММ “Павлодар қаласының Мансап орталығы” филиалы ұйымдастырды.
Жәрмеңке барысында қылмыстық-атқару жүйесінің қызметкерлері азаматтарға ҚАЖ мекемелеріндегі қызмет өткеру тәртібі, бос жұмыс орындары, кандидаттарға қойылатын талаптар және қызметке қабылдау тәртібі туралы ақпарат берді. Сонымен қатар қызметтің әлеуметтік кепілдіктері, жағдайлары және кәсіби өсу мүмкіндіктері түсіндірілді.
Жәрмеңкеге қатысу қызметкерлерге әлеуетті кандидаттармен тікелей байланыс орнатып, олардың сұрақтарына жауап беруге және қылмыстық-атқару жүйесіндегі қызметтің артықшылықтары туралы кеңінен ақпарат беруге мүмкіндік берді.
Мұндай іс-шаралар жас әрі перспективалы кадрларды тартуға, мемлекеттік қызметтің беделін арттыруға және азаматтардың Қазақстан Республикасы Ішкі істер министрлігі жүйесінде жұмысқа орналасу мүмкіндіктері туралы хабардарлығын арттыруға ықпал етеді.
