Павлодар облысында алимент төлемей жүрген 106 адам анықталды, – деп хабарлайды Polisia.kz.
Павлодар облысында жылдың басынан бері алимент төлемей жүрген 189 адам іздестірілуде, қазіргі уақытта оның 106-сы анықталды.
Мысалы, алимент төлемегені үшін іздеуде жүрген әкелердің бірін полиция қызметкерлері Қарағанды қаласында, екінші бір 33 жастағы ата-ананы Орал қаласында, ал үшіншісін Ресей Федерациясының Калинград қаласында тапты.
Сондай-ақ, бүгінгі таңда полицейлер балаларына қарызы бар 15 әкенің көлігін айыптұраққа қойып, қамауға алды.
– Іздестіруге соттың жауапкерді іздестіру туралы ұйғарымы негіз болады және ол арызданушылар іздеуде жүрген емес, талапкердің тұрғылықты жері бойынша ішкі істер органдарында тіркелген. Бұл жерде жауапкерді анықтау керек екенін түсіндіру қажет, бұл одан төленбеген соманы өндіріп алуды білдірмейді. Полицияның өкілеттігі іздестірілушінің орналасқан жерін анықтауда және оның сот орындаушысына келу міндеттемесінде аяқталады. Өндіріп алуды сот органдары жүргізеді. Егер көші-қон қызметі бір ай ішінде ата-анасының орналасқан жерін анықтай алмаса, онда өндіріп алушының талап етуі бойынша тиісті құжат беріледі, оның негізінде әлеуметтік қамсыздандыру органдары борышкерді іздестіру кезеңінде балаларды күтіп-бағуға уақытша жәрдемақы төлейді, – деді облыстық ПД-да.
