Жаяу жүргіншілер қозғалысының қауіпсіздігін арттыру және олардың қатысуымен болатын жол-көлік оқиғаларының алдын алу, сондай-ақ жүргізушілер арасындағы тәртіп деңгейін көтеру мақсатында 2020 жылғы 14-18 қараша аралығында Павлодар облысының аумағында «Жаяу жүргінші»жедел-алдын алу іс-шарасы өткізілуде, – деп хабарлайды Polisia.kz.
Облыс көлемінде жыл басынан бері жол қозғалысы ережелерін бұзғаны үшін 5 270 жаяу жүргінші әкімшілік жауапкершілікке тартылды.
Олар жол беретін құқық бұзушылықтардың негізгілері – бағдаршамның қызыл жарығына өту және жолды белгіленбеген жерден кесіп өту болып табылады.
Облыс полицейлері жергілікті тұрғындарға жолды кесіп өту кезінде сақтық шараларын қабылдау қажеттілігі туралы ескертеді.
