Павлодарда алаяққа сенген зейнеткер 30 мың долларынан айырылды, – деп хабарлайды Polisia.kz.
Бүгінгі күні полиция есептерінің “хит шеруінің” бірінші жолын алаяқтық алады, оларға жәбірленуші өз еркімен “сұрағанын” береді.
– Алаяқтардың қармағына жалғыз тұратын қарт адамдар түседі. Алаяқтар зейнеткерлерге қоңырау шалып, жақын туысы апатқа ұшырады немесе оның кінәсінен адам зардап шекті және қылмыстық жауапкершілікке тартылмау үшін ақша төлеуді сұрайды, – деді Павлодар облысы ПД бастығы Василий Скляр.
Мысалы, 6 маусымда 78 жастағы зейнеткердің үй телефонына ер адам қоңырау шалып, оның ұлы ЖКО жасағанын және 20 млн теңге төлеу қажет екенін айтқан. Сұхбаттасушы зейнеткерді үйіне Руслан есімді жігіт келгенге дейін “тұтқаны тастамады”, содан соң оған әйел өз еркімен 30 мың доллар берді. Әйел Ресей Федерациясының Мәскеу қаласында тұратын ұлына қоңырау шалған кезде алданғанын түсінген. Осы кезде бәрінің жақсы екеніне көз жеткізіп, полицияға қоңырау шалды. Василий Скляр бұл факт бойынша Қазақстан Республикасы ҚК-нің 190-бабы бойынша сотқа дейінгі тергеу басталғанын нақтылады.
Сондай-ақ осы фактіге қатысы бар адамдарды анықтау бойынша жедел-іздестіру іс-шаралары жүргізіліп жатыр.
Егер сіз осындай қоңырау алсаңыз, полиция ең алдымен, тынышталуыңызды ескертеді. Кез келген сылтаумен әңгімені үзіп, оның атынан немесе ол туралы туысқаныңызға қайта қоңырау шалыңыз. Егер оның телефоны өшірілген болса, басқа туыстарына қайта қоңырау шалыңыз. Полиция бөліміне қоңырау шалу арқылы туысыңыздың шынымен полиция бөлімінде екенін білуге болады.Телефон нөмірінің кодына назар аударыңыз, егер сіз олардың +4 және біздің аймақ үшін басқа да ерекше сандардан басталатынын көрсеңіз, сіз алаяқтықтың құрбаны болуыңыз мүмкін. Бұл нөмірлер VoIP – виртуалды телефония технологиясын қолданады, оның қызмет ету мерзімі 3-тен 5 күнге дейін, сонымен қатар бұл технология көрсетілген нөмірге кері қоңырау шалуға мүмкіндік бермейді. Телефонды тастаңыз және алаяқтық туралы полицияға хабарлаңыз. Сақ болыңыз, өйткені алаяқтар үнемі жаңа схемаларды қолданады!
