Павлодарда жылдамдық режимін 24 рет асырған жүргізуші анықталды, – деп хабарлайды Polisia.kz.
Павлодар қаласында жол жүру ережесінің белгілерін елемеу, тоқтау желісінің қиылысуы, көлік құралдарының бағдаршамның қызыл сигналына өтуін ескермейтін, рұқсат етілген жылдамдық режимінің артуын тіркеуге қабілетті автоматты режимде жол қозғалысы ережелерінің бұзушылықтарын тіркейтін 39 жүйе орнатылған.
– Жылдың басынан бері осы жүйелермен 15 мыңнан астам бұзушылық тіркелді, олардың айыппұлдары 140 млн теңгеден асты, – деді Павлодар облысы ПД Әкімшілік полиция басқармасының бастығы Борис Әлімбаев.
Мысалы, биылғы жылы Nissan Sunny автокөлігінің 21 жастағы жүргізушісі жылдамдық режимін 24 рет асырып, әкімшілік жауапкершілікке тартылды. Оған салынған айыппұлдың жалпы сомасы 628 мың теңгені құрады.
Басқа жағдайда, камералардың көзіне жылдамдықты 18 рет асырған Toyota автокөлігінің 32 жастағы жүргізушісі түсті. Осылайша оған 336 930 теңге айыппұл салынды.
Әкімшілік жауаптылыққа тартылған адам айыппұл салу туралы қаулы күшіне енген күннен бастап 30 тәуліктен кешіктірмей айыппұл төлеуге тиіс. Азаматтар жеті тәулік ішінде 50% мөлшерінде әкімшілік айыппұл төлеуге құқылы.
Айыппұл туралы мәліметтер ІІМ деректер базасына енгізіледі, айыппұлды онлайн режимде Электрондық үкімет порталында қарауға және төлеуге болады «egov.kz», сайтта «gamgor.gov.kz», қосымша «Kaspi.kz».
Айыппұл төленбеген жағдайда, азаматтар көлікпен байланысты тіркеу іс-әрекеттерін, жүргізуші куәлігін ауыстыру немесе алу, Қазақстан Республикасынан тыс жерлерге шығу, мемлекеттік қызметке орналасу сияқты әрекеттерді жасай алмайды, мүлікке тыйым салынады, қасақана төлемейтін тұлға ретінде іздестіріледі. КҚ айыппұлды өтегенге дейін айыппұл тұрағына қамалады, қаулыны орындамағаны үшін көлік құралдары тұраққа қойылады.
