Қарағанды облысында 3 мыңға жуық жол ережесін бұзу фактісі анықталды, – деп хабарлайды Polisia.kz.
Қарағанды облысында “Назар аударыңыз – балалар!” республикалық акциясы өткізілуде. Шара мақсаты – балалардың жол-көлік жарақатының алдын алу, сондай-ақ кәмелетке толмағандардың көшелер мен жолдарда қауіпсіз жүріс-тұрыс дағдыларын нығайту.
Іс-шараның он күнінде полицейлер 2 916 жол ережесін бұзу фактісін анықтады. Оның ішінде 189 факті – жол қиылыстарынан өту немесе жолдың жүру бөлігін кесіп өту ережелерін бұзу, жаяу жүргіншілер қозғалысы кезінде жол бермегені – 110, балаларды ұстап тұру құрылғыларын қолданбағаны – 50. Полиция қызметкерлері жалпы білім беретін мектептер мен мектепке дейінгі мекемелерде жол қозғалысына қатысушыларға түсіндіру жұмыстарын жүргізуде ерекше назар аударды.
Шет ауданы Ақсу-Аюлы ауылының орталығында лэд-экранында 5-10 минуттық жиілікпен балалардың қауіпсіздігі туралы бейнероликтер көрсетілуде. Қарағандыға кіре берісте “Жүргізушілер мен жаяу жүргіншілер, бірлікте болыңыздар!” жазбасымен баннер орнатылған. Сондай-ақ, Қарқаралыда N2 мектеп жанынан “Абайлаңыздар – балалар!” баннері орнатылып, сол жерге жасанды жол бұдыры орнатылды. Сонымен қатар, Қарағанды қаласының ПБ Киров ПБ ювеналды полиция бөлімінің қызметкерлері “Солнышко”, “Туған жер” және “Қайсар” аула клубтарының ұйымдастырушылары мен қатысушылары дөңгелек үстел өткізді. Олар ата-аналар мен балаларға қоғамдық орындарда, жолда жүру, жолдың жүру бөлігін кесіп өту, велосипедпен жүру ережелерін түсіндірді. Ересектердің балаларына жол қозғалысы ережелерін сақтау керектігін ескертетініне, әр баланың мектепке, дүкенге, ойын алаңына бару жолдарын үйретуге ерекше назар аударылады. Сондай-ақ, ата-аналарды жолаушы тасымалдау және автокөлікпен жүк тасымалдау ережесімен таныстырды.
Жезқазған қаласында полиция қызметкерлері қаланың Қоғамдық кеңес, ресурстық орталық өкілдері, медициналық колледж оқытушылары және мектеп мұғалімдерімен бірлесіп, қоғамдық тәртіп пен жол қауіпсіздігін сақтау мақсатында рейдтік іс-шаралар жүргізді. Ал Балқаш қаласының ПБ қызметкерлері N8 орта мектептің кадет сыныбының оқушыларын жұмылдыра отырып, балалардың жол-көлік жарақатының алдын алу мақсатында рейд ұйымдастырды.
3 мамырда Абай ауданының полиция басқармасы басшылығы жол-көлік оқиғасына тап болған адамдарға қан тапсырып және ұйымдастырды.
29 сәуірде облыстың ПД ЖПҚБ облыстың РД policeofkaraganda парақшасында жол жүру ережесі бойынша “Дорога глазами ребенка” сурет байқауы мен “Вниманию водителя” тақырыбында шығарма байқауын жариялады.
