Қарағанды облысының ПД тілшілерге төсбелгілер табысталды, – деп хабарлайды Polisia.kz.
Қарағанды облысының ПД-да өңірлік және республикалық бұқаралық ақпарат құралдарының өкілдерін марапаттау рәсімі өтті. Облыстың ПД бастығы Ерлан Файзуллиннің бұйрығымен 11 журналист “Қазақстан полициясына 30 жыл” мерейтойлық төсбелгісімен марапатталды. Олардың алдында облыстың ПД бастығының міндетін атқарушы Құрманғали Исмагулов сөз сөйледі.
– Қарағанды облысының ПД басшылығының және жеке өз атымнан сіздерді кәсіби мерекелеріңізбен құттықтаймын! Заманауи шындықтағы бұқаралық ақпарат құралдарының рөлі айтарлықтай маңызды ғана емес, орасан зор. Журналистік сөздің болашақта сұранысқа ие бола ма, жоқ па, бұл сіздің кәсіби біліктілігіңізге, жеделдігіңізге, бүгінгі елде, әлемде болып жатқан үдерістерді түсінудегі біліктілігіңізге байланысты, – деп атап өтті ол.
К.Исмагулов өңірлік және республикалық БАҚ тілшілері оқырмандарды полиция орындайтын қызметтік міндеттер туралы, Ішкі істер органдары қызметкерлерінің азаматтардың қауіпсіздігін қамтамасыз ететін және оған мұқтаж адамдарға көмекке келетін батыл іс-әрекеттері туралы жедел және жоғары кәсіби деңгейде хабардар ететінін атап өтті.
– БАҚ азаматтардың құқықтары мен бостандықтарын қорғау ісіне, сондай-ақ қылмыстың алдын алуға үлкен үлес қосуда. Қарағанды облысының ПД облыстың және республиканың жетекші басылымдарымен және телекомпанияларымен сындарлы қарым-қатынаста болғаны қуантады. Біздің ынтымақтастығымыз тек нығая түседі деп үміттенемін. Сіздерге денсаулық, амандық, жоғары кәсібилік, шабыт және шығармашылық табыс тілеймін!, – деді облыстың ПД бастығының міндетін атқарушы.
