Қарағанды облысының аумағында «Құқықтық тәртіп» жедел-алдын алу іс-шарасы өткізілуде, – деп хабарлайды Polisia.kz.
Қоғамдық орындарда және көшелерде қоғамдық тәртіп пен қауіпсіздікті қамтамасыз ету мақсатында республика аумағында 2020 жылғы 26 қазан – 1 қараша аралығында «Құқықтық тәртіп» жедел-алдын алу іс-шарасы өткізіліп жатыр.
– Шара барысында Қарағанды қаласының полиция қызметкерлері 2 күн ішінде жалға берілетін 200-ден аса пәтерді тексеріп, 800-ден аса әкімшілік құқық бұзушылықты анықтады. Профилактикалық есепке қойылған 1000-нан аса тұлға, деструктивті діни ағымдардың 96 өкілі тексерілді. 12 азамат қабылдау-тарату орнына және 48 азамат уақытша бейімдеу орталығына орналастырылды. Қазақстан Республикасы ҚК 346-бабы бойынша бір қылмыстық іс қозғалды. Жалпы «Құқықтық тәртіп» жедел-алдын алу іс-шарасын өткізу барысында бұрын жасалған үш қылмыс ашылып, іздеуде жүрген алты қылмыскер ұсталды, – деп хабарлады Қарағанды қаласы Полиция басқармасының бастығы Думан Қожахметов.
