Қарағандыда саунаның күзетшісі кезекшілік күндері жеңгетайлықпен айналысқан, – деп хабарлайды Polisia.kz.
Жыл басынан бастап Қарағанды облысы Полиция департаменті Ұйымдасқан қылмысқа қарсы күрес басқармасының қызметкерлері 3 жезөкшелікпен айналысу орындарын анықтады. Барлық жағдайларда жезөкшелікпен айналысу орындары үшін моншаларды алатыны белгілі болды.
Мәселен, ұйымдасқан қылмысқа қарсы күрес басқармасының қызметкерлеріне Қарағанды қаласындағы сауналардың бірінде түнгілік уақытта жезөкшелікпен айналысатын жеңілтек қыздардың келетіні туралы ақпарат түскен.
Белгілі болғандай, бұндай әрекеттер әсіресе саунаның 40 жастағы күзетшісі жұмысқа шыққанда үдейе түсетіні анықталды.
Жедел іс-шаралар барысында полиция қызметкерлерімен 40 жастағы азамат ұсталды. Ол саунаның келушілеріне жеңіл жүрісті қыздарды шақырып бергендігі туралы мойындау көрсетпе белгілерін берді. Күзетші бұл жерге келген әрбір жеңіл жүрісті қыздардан өзіне 5 мың теңгеден алып отырған. Ал жеңіл жүрісті қыздар өздерінің тәнін 20 мыңнан 50 мыңға дейін бағалаған.
Аталған дерек бойынша Қазақстан Республикасы Қылмыстық кодексінің 309-бабына сәйкес қылмыстық іс қозғалды. Тергеу амалдары жүргізіліп жатыр.
