Қостанай облысы ПД бастығы кикбоксингтен Азия чемпионатының жеңімпаздарын құттықтады, – деп хабарлайды Polisia.kz.
10-18 желтоқсан аралығында Бангкокта кикбоксингтен Азия чемпионаты өтті. Оған Қостанай облысы ПД ЖҚАЖ қызметкерлері қатысты.
ЖҚАЖ инспекторы Темірлан Қабиев 91 келі салмақ дәрежесінде 1-орынға ие болды.
86 келі салмақ дәрежесінде ЖҚАЖ инспекторы Мәди Тоқтаров Азия чемпионатының үздік спортшысы атанды. Қостанай облысы ПД бастығы Ерлан Омарбеков жарыста Қазақстан құрамасын лайықты көрсете білген полицейлерді жетістіктерімен құттықтады.
– Осы бөлімше қызметкерлерінің халықаралық және республикалық деңгейдегі жарыстарда әрқашан үздіктер қатарынан көрінетінін атап өткім келеді. Бұл мақтануға тұрарлық! Сіздерге спорттық сайыстарда және жұмыста табыс тілеймін!, – деп атап өтті Ерлан Омарбеков.
