Қызылорда облысы Жаңақорған аудандық пробация есебіндегі әлеуметтік жағдайы төмен 8 сотталғанға азық-түлік таратылды, – деп хабарлайды Polisia.kz.
Жаңақорған аудандық пробация есебіндегі әлеуметтік жағдайы төмен 8 сотталғанға қайырымдылық жасау мақсатында азық-түлік таратылды. Нақтырақ айтқанда, бұл көмек аудандық жұмыспен қамту бөлімі тарапынан, күнделікті тұрмыста қолданылатын картоп көкөнісі үлестірілді.
Бұл шараның мақсаты – сотталғандарды қоғамға бейімдеу, оқшауланған мінездің көпшілік ортаға араласып, қалыпты өмір салтын ұстанып, түзу жолға түсуіне ықпал ету.
– Сондай-ақ сотталғандарға әлеуметтік көмек көрсету мен қатар қайта қылмысқа барудың қауіптілігі, түзу жолға түсіп, қоғамды дамытуға мүмкіндіктері бар екенін түсіндіру жұмыстары да жүргізілді, – дейді ҚАЖД қызметкері Әсет Мұратбаев.
– Пробация қызметкерлеріне әртүрлі көмек түрлерімен жүгінеміз. Бізге үнемі көмектесіп, мәселемізді заң шеңберінде шешіп береді. Осы жылдың басында да аудандағы кәсіпкерлер тарапынан азық-түлік жиынтығына көмектесті. Қазір азық-түліктің бағасы қымбат. Бұл біз үшін бұл үлкен көмек, – деді есептегі азамат.
Көмек алған сотталғандар ризашылық көңілдерін жеткізіп, пробация қызметкерлері мен аудандық жұмыспен қамту бөлімінің өкілдеріне алғысын білдірді.
