Қызылорда қаласы прокуратурасының бастамасымен пошта жөнелтілімдері арқылы синтетикалық есірткілердің заңсыз айналымына жол бермеу мәселесіне арналған ведомствоаралық дөңгелек үстел өтті, — деп хабарлайды Polisia.kz.
Іс-шараға Қызылорда облысы полиция департаменті есірткі қылмысына қарсы іс-қимыл басқармасының қызметкерлері қатысты.
Кездесу барысында полиция қызметкерлері есірткі қылмыстарының алдын алу және жолын кесу бағытындағы жұмыстарды таныстырып, пошта жөнелтілімдері арқылы заңсыз заттардың таралуына жол бермеу бойынша бірлескен іс-қимыл мәселелерін талқылады.
Сонымен қатар полиция қызметкерлері кинолог мамандармен бірлесіп, пошта қызметкерлеріне практикалық түсіндірме жұмыстарын жүргізіп, қызметтік-іздестіру иттері арқылы жөнелтілімдерді тексеру тәртібін көрсетті.
Іс-шара соңында тараптар өзара ынтымақтастықты күшейтуге бағытталған меморандумға қол қойды.
Заң мен тәртіпті сақтау, есірткінің заңсыз айналымына жол бермеу және қоғам қауіпсіздігін қамтамасыз ету – баршамызға ортақ міндет.
