Қызылорда облысы Полиция департаментінің Арал аудандық полиция бөлімінің қызметкерлері игі дәстүрді жалғастыра отырып, көп балалы отбасылардың балаларына көмек көрсетуде, – деп хабарлайды Polisia.kz.
Қазіргі уақытта қашықтықтан оқып жатқан бастауыш сынып оқушысына жаңа планшетті сыйға тартып, қуаныш сыйлады.
Аудандық полиция қызметкерлері алты көп балалы отбасыға көмек көрсетті. Олар оқушыларға арналған оқу құралдарымен бірге азық-түлік апарып беріп, балаларға тек бес деген бағаға оқуға және ата-аналарға, мұғалімдер мен тәлімгерлердің тілін алуға тілек білдірді.
Балалардың ата-аналары жеке құрамға және полиция бөлімінің басшылығына өз алғыстарын білдірді.
