Ресейде іздеуде болған екі көлікті ШҚО полицейлері анықтады, – деп хабарлайды Polisia.kz.
11-17 қазан аралығында Шығыс Қазақстан облысының аумағында қылмысқа қарсы күрестің бірлескен шараларының мемлекетаралық бағдарламасы шеңберінде ұрлықты ашуға және автокөлікті айдап әкету, оның ішінде автокөлік құралдарын ұрлаумен айналысатын халықаралық қылмыстық топтар қызметінің жолын кесуге бағытталған “Айдап әкету” жедел алдын алу іс-шарасы жүргізілуде.
Криминалдық полиция қызметкерлері ЖАІШ барысында екі күн ішінде айдап әкетудің 3 фактісін, оның ішінде бұрын жасалған 2 қылмысты ашты. Барлық істер бойынша сотқа дейінгі тергеу амалдары жүргізілуде.
Бұдан басқа, жедел алдын алу іс-шарасы шеңберінде ұрланған автокөліктерді, қосалқы бөлшектерді (автобөлшектер, бұрын пайдалануда болған қосалқы бөлшектерді сату бойынша сауда нүктелері, ТҚС және т.б.) өткізу орындары тексерілді, автокөлік ағынын тексеру бойынша іс-шаралар жүзеге асырылды, нәтижесінде Ресей Федерациясында айдап әкетуде есепте тұрған 2 автокөлік анықталды. Аталған автокөліктер айыппұл тұрағына қойылды, тиісті сараптамалар тағайындалды.
