Самара-Шымкент тасжолында мас жүргізушінің көлігінен екі мылтық табылды, – деп хабарлайды Polisia.kz.
«Самара – Шымкент» автожолында мас болып көлік тізгіндеген жүргізуші ұсталды. 10 қазан күні сағат 02.00 шамасында «Самара – Шымкент» тасжолының 795-шақырымында патруль полициясының рота қызметкерлері «Toyota Prado» көлігін тоқтатқан. Тексеру кезінде жүргізушінің мас екені белгілі болды.
Автомашинаны қарап жатқанда оның жүксалғышынан тегіс ұңғылы екі қару табылды. Олардың құжаты жоқ. Сондай-ақ көлікте екі жолаушы болған.
Жүргізушіге қатысты Әкімшілік құқық бұзу кодексінің 608-бабына сәйкес іс қозғалып, хаттама толтырылған. Аталған көлік жолаушыларымен бірге Ақтөбе облыстық полиция департаменті Хромтау аудандық полиция бөліміне жеткізілді.
