Оралда тәттіқұмар ер адам жанар-жағармай бекетінің дүкенінде шоколад ұрлаған, – деп хабарлайды Polisia.kz.
Оқиға Абай даңғылында орналасқан жанар-жағармай бекетінде орын алған. Ер адам еш ойланбастан дүкенге кіріп, қолына шоколадтарды алып шығып кеткен.
Күдіктінің бұрын қылмыстық жауапкершілікке тартылғаны анықталды.
Аталған факті бойынша ҚР ҚК-нің 187-бабы 1-бөлігі (Ұсақ-түйек жымқыру) бойынша сотқа дейінгі тергеу амалдары жүргізілуде.
