ШҚО бойынша ҚАЖД қызметкерлері «Донор бол – өмірді сақта!» акциясын өткізді, – деп хабарлайды Polisia.kz.
Бүгін Семей қаласының пробация қызметі қызметкерлері «Донор бол – өмірді сақта!» акциясының аясында қан тапсырды. Қан тапсырар алдында қажетті құжаттарды толтырып, олар дәрігердің қарауынан өтіп, қан қысымын өлшеді. Барлық қажетті процедуралардан өткеннен кейін олар 450 миллилитр қан тапсырды.
Құқық қорғау органдары қызметкерлерінің арасында үнемі қан тапсыратындар да аз емес. Өз жұмысының арқасында олар үнемі төтенше жағдайларға тап болады, сондықтан қан тапсыру басқа адамдардың өмірін сақтап қалуға көмектесетінін жақсы түсінеді.
– Мен он жыл бойы жылына кемінде екі рет қан тапсырамын. Сондықтан, бұл процедура тек бір реттік әрекет емес, дүниетанымды түбегейлі өзгертетін және өз көмегінің маңыздылығын сезінуге көмектесетін өмір салты, бұл басқаларға үлкен пайда әкеледі. Менде бірінші топты қан, резус – сирек кездесетін – теріс. Бүгінгі қан тамшысы көптеген адамдардың өмірін сақтап қалады деп сенемін, – деп атап өтті бөлім бастығының орынбасары Арсен Жаспанов.
– Бүгінде медициналық ресурстарды қалпына келтіру үшін азаматтар тарапынан қолдау қажет. Донор өзі үшін ғана емес, өзі құтқаруға келген адамдардың өміріне де жауап береді. Өз әдеттерін өзгерткен, салауатты өмір салтын ұстанып жүретін және мүлдем белгісіз адамға көмектесетін адам -мұның бәрі біздің донордың портреті! Барлық донорларға алғыс айтқым келеді! – осындай сөздермен Семей қаласының Қан орталығының бас дәрігері Айгүл Бекенқызы алғыс білдірді.
