ШҚО полицейлері есірткі сатушысын ұстады, – деп хабарлайды Polisia.kz.
ШҚО-да жедел-профилактикалық іс-шараларын жүргізу барысында ШҚО ПД ЕҚІҚБ полицейлері 33 жастағы азаматты ұстады. Күдіктіден ұнтақ және түйіршік түріндегі зат салынған 26 орама тәркіленді.
Сараптама қорытындысына сәйкес, тәркіленген заттар салмағы 16,867 грамм Альфа-PVP психотроптық заты және салмағы 3,44 грамм мефедрон болып шықты. Жалпы салмағы 20,316 грамм болды.
– Ұсталған әйел адамға қатысты ҚР ҚК-нің 297-бабы 3-бөлігі (Есірткі, психотроптық заттарды, олардың аналогтарын аса ірі мөлшерде өткізу мақсатында заңсыз сатып алу, сақтау, тасымалдау, жөнелту немесе өткізу) бойынша сотқа дейінгі тергеп-тексеру басталды, – дейді ШҚО ПД бастығы полиция Ерлан Омарбеков.
Сот қамауда ұстау түріндегі бұлтартпау шарасын таңдады.
