ШҚО полицейлері мереке кештерінде интернет-алаяқтықтың алдын алу туралы шаралар өткізді, – деп хабарлайды Polisia.kz.
Жаңа жылдық мерекелер де шетте қалмады, онда полицейлер мен асабалар алаяқтардың тәсілдері мен әдістері туралы жеткізді. Бірнеше күн қатарынан мұндай жұмыс 1500-ден астам қонақты қамтыған облыс орталығының барлық ойын-сауық орындарында жүргізілді.
Осы жылы облыс бойынша интернет-алаяқтық қылмыстың 30%-дан астамын алып отырғанын айта кетейік. Сіздің таныстарыңыздың, достарыңыз бен туыстарыңыздың әрқайсысы бір кездері осындай қылмыстық шабуылдарға тап болған.
ШҚО ПД азаматтарды барынша қырағы болып, алаяқтардың арбауына түспеуді сұрайды: ешбір жағдайда бейтаныс адамдарға жеке мәліметтеріңіз бен шот нөмірлеріңізді жария етпеңіз; ақшаны күмәнді электронды немесе банктік шоттарға аудармаңыз, экспресс төлем терминалдары арқылы тауарларды төлемеңіз.
Егер сіз алаяқтардың құрбаны болсаңыз – дереу құқық қорғау органдарына хабарласыңыз! Сақ болыңыз, өзіңізді алдауға жол бермеңіз.
Айта кетейік, бұл бағыттағы жұмыс жалғасады.
