ШҚО тұрғыны марқұм атасынан қалған шолақ қаруды сақтаған, – деп хабарлайды Polisia.kz.
Алтай ауданы ПБ криминалдық полиция бөлімшесінің қызметкерлері қазан айының басында үйінде шолақ қаруды заңсыз сақтаған 34 жастағы ер адамды анықтаған. Ер адам түсіндіргендей, бұл қару марқұм атасына тиесілі болған, өйткені тірі кезінде атасы оның мылтығы бар екенін, оның ұңғысы шіріп кеткенін және одан шолақ қару жасағанын айтқан. Атасы қайтыс болғаннан кейін ер адам аталған қаруды тауып, содан кейін оны үйіне жасырған.
Мамандардың қорытындысына сәйкес ер адамнан алынған зат БМ-16, 16 калибрлі тегіс ұңғылы аңшылық қарудың кесіндісі болып табылады. Сондай-ақ, шолақ қару аңшылық патрондармен оқ атуға жарамды екендігі анықталған.
Аталған факті бойынша ҚР ҚК-нің 287-бабы 3-бөлігі (Қаруды, оқ-дәрілерді заңсыз сатып алу, сақтау, тасымалдау немесе алып жүру) бойынша сотқа дейінгі тергеу жүргізілуде.
