Шымкентте полицейлер дүкеннен азық-түлік ұрлаған әйелді анықтады, – деп хабарлайды Polisia.kz.
25 қарашада Абай АПБ-на жергілікті тұрғын арызданған. Жәбірленуші өз арызында оның азық-түлік дүкеніне сағат 16:00 шамасында белгісіз тұлға ұрлыққа түскені туралы жазған. Айтуынша, дүкен ішіндегі сөрелерден жалпы құны 10 000 теңгенің заттарын жымқырып, байқатпай ұрлап кеткен.
Тәртіп сақшылары аталған жайтты ҚР ҚК-нің 188-бабы 1-бөлігімен (Ұрлық, яғни бөтеннің мүлкін жасырын жымқыру) тіркеп, жедел-іздестіру шараларына кірісті.
Абай АПБ Криминалды полиция бөлімі қызметкерлері ұрлық жайтын ашу мақсатында оқиға орнына жедел жетіп, қажетті іс-шараларды жүзеге асырды. Осылайша, тәртіп сақшылары ұрлық жасаған азаматшаның мекенжайын анықтап, басқармаға жеткізді.
Тергеу барысында ол дүкеннен зат ұрлағанын толық мойындап, үйінен ұрланған азық-түліктер айғақты зат ретінде алынды. Қазіргі таңда сотқа дейінгі тергеу амалдары жалғасуда.
