Шымкенттік полицейлер «102» мобильді қосымшасын пайдалануға шақырады, – деп хабарлайды Polisia.kz.
Ағымдағы жылдың 1 ақпанынан бастап Полиция департаментінде халыққа ыңғайлы жаңа сервис «102» мобильді қосымшасы іске қосылды.
Қосымшаны кез-келген мобильді құрылғыға AppStore немесе PlayMarket арқылы жүктеуге болады.
«102» мобильді қосымшаның көмегімен азаматтар полицияға кез-келген құқық бұзушылық туралы аудио және видео қоңыраулар арқылы хабарлама жібере алады.
102 операторы қоңырау шалушының орналасқан жерін және ұялы телефон камерасы арқылы қоршаған ортаны автоматты түрде көреді, сондай-ақ оқиғаға шұғыл әрекет ету және көмек көрсету шараларын қабылдай алады.
