СҚО бойынша ҚАЖ департаментінде 2023 жылдың бірінші тоқсанындағы жұмыс қорытындысы қаралды. Кеңеске департамент, мекемелердің басшылығы, жеке құрам, қызмет басшылары қатысты, – деп хабарлайды Polisia.kz.
Кеңес барысында департамент бастығының міндетін уақытша атқарушы Әділет Мұстафинов Қазақстан Республикасы Ішкі істер министрінің ішкі істер органдарының қызметін жетілдіру бойынша қойылған міндеттер мен талаптар туралы нұсқауын жеткізді. СҚО бойынша ҚАЖ департаментінің және департаментке қарасты мекемелердің жедел-қызметтік қызметінің қорытындылары шығарылды, сондай-ақ ҚР ІІМ ҚАЖ комитетінің жеке құрам арасында тәртіп пен заңдылықтың жай-күйі туралы шолуы қаралды.
Бірінші тоқсанның қорытындысы бойынша жеке құрам арасында оң моральдық-психологиялық ахуал байқалды. Ішкі істер органдарына қызметке орналасуға ниет білдірушілердің саны 42%-ға өсуі, сондай-ақ қызметкерлердің айналымының 20%-ға төмендеуі байқалады. Өзге құқық қорғау органдарымен өзара іс-қимыл шеңберінде ашылған қылмыстар санының өсуі байқалады және 108-ді құрайды.
Мекемелерді үздіксіз бейнебақылаумен қамтамасыз етудің маңыздылығына және қызметкерлер арасында сыбайлас жемқорлыққа қарсы күреске ерекше назар аударылды. Департамент бастығының міндетін уақытша атқарушы қылмыстық-атқару жүйесін жаңғырту, сондай-ақ арнайы контингентпен ғана емес, сонымен қатар пробация қызметтерінің есебінде тұрған тұлғалармен де құқық бұзушылықтар жасауына жол бермеу мәселесін ерекше бақылауға алуды тапсырды.
Жедел кеңесті қорытындылай келе, алдағы тоқсанда ерекше назар аударуды талап ететін бағыттар мен міндеттер белгіленді.
