СҚО бойынша ҚАЖД жыл қорытындысын шығарды, – деп хабарлайды Polisia.kz.
29 желтоқсанда ЕС-164/6 мекемесінің базасында облыс прокуроры аға әділет кеңесшісі Бағбан Таймбетов мен прокуратураның 2-басқармасының бастығы Александр Трикачевтың қатысуымен қорытынды жедел кеңес өтті.
Өткен жылдың қорытындылары туралы кеңес ҚАЖ департаментінің бастығы Рустан Ахметжановты марапаттаумен басталды. Бас Прокурордың бұйрығымен ол «Қазақстан Республикасының прокуратурасына 30 жыл» мерекелік медалімен марапатталды.
Бағбан Таймбетов салтанатты жағдайда, барлық жеке құрамның қатысуымен медальді СҚО бойынша ҚАЖД бастығына табыс етті. Облыс прокурорының құттықтаулары мен ізгі тілектерін қабылдап, ҚАЖ департаментінің басшылық құрамымен мекеме басшыларының бір жыл ішінде атқарған жұмыстары туралы баяндамалары тыңдалды.
Кеңес барысында жеке алынған мекемелердің де, жалпы облыс мекемелері жүйесінің де қызметін жетілдіру бойынша ұсыныстар енгізілді.
