Супермаркеттен 100-ден астам шоколад ұрлаған талдықорғандық ұсталды, – деп хабарлайды Polisia.kz.
Полиция қызметкерлері 24 жастағы жергілікті тұрғынды ұстады. Күдіктіге әзірге Талдықорған қаласының ірі супермаркеттерінен шоколад ұрлауының екі дерегі бойынша айып тағылды. Жалпы күдікті 100-ден астам шоколадты ұрлап үлгерген. Келтірілген залал 46 мың теңгені құрайды.
– Ұсақ ұрлықтың екі дерегі бойынша тергеу қалалық полиция анықтаушыларына жүктелді. Тергеуді оңайлатылған іс жүргізу тәртібімен жүргізіп, жақын күндері қылмыстық істерді сотқа жолдау жоспарланып жатыр, – деді Талдықорған ҚПБ анықтау бөлімінің бастығы Мирас Асқаров.
