Талдықорғандық жас сақшылар патрульдеуге шықты – деп хабарлайды Polisia.kz.
Жол жүру ережесіне немқұрайлы қарайтын жаяу жүргіншілермен мақсатты бағытталған түсіндіру жұмыстарын полиция қызметкерлерімен бірге кадет сыныптарының оқушылары да жүргізуде.
Кәмелетке толмағандардың қатысуымен болатын жол-көлік оқиғаларының алдын алу және жолын кесу мақсатында Талдықорған қаласы Полиция басқармасының қызметкерлері № 14 орта мектеп-гимназиясының кадеттерімен бірге «Абайлаңыз, жолда балалар!» айлық іс-шарасын бастады.
«Жасыратыны жоқ, автокөлік паркі Талдықорған көшелеріндегі қозғалыс қауіпсіздігін қамтамасыз ету мәселесін айтарлықтай ушықтырды. Жол-көлік оқиғасы кезінде алынатын жарақаттар ерекше алаңдаушылық туғызады, Осыған байланысты біз жол қауіпсіздігі саласындағы айлық іс-шараны бастадық. Акция барысында құқық қорғау органдарының жас көмекшілері жаяу жүргіншілер мен өз замандастарына көшені қалай дұрыс кесіп өту керектігін, бағдаршамды қалай пайдалану және көшеде өзін қалай ұстау керектігін түсіндіреді»,- дейді Талдықорған қаласының ПБ бастығы Асқар Нұрсапа.
Полиция жол-көлік оқиғаларын, оның ішінде балалар травматизмін азайту мақсатында барлық шараларды қабылдауда.
