«Заңсыз келуші» жедел-профилактикалық іс-шарасының екі күнінде 25 құқық бұзушылық анықталды, – деп хабарлайды Polisia.kz.
Қызылорда облысының аумағында өтіп жатқан «Заңсыз келуші» жедел-профилактикалық іс-шарасының екі күнінде 25 құқық бұзушылық анықталды, оның ішінде көші-қон заңнамасын бұзған 5 шетелдікке, еңбек қызметін заңсыз жүзеге асырған Қазақстан Республикасының 20 азаматына әкімшілік шаралар көрілді.
– Құрметті облыс тұрғындары шет мемлекеттерден жұмыс жасауға келген шетел азаматтарын заңда көрсетілген мерзімде құжаттарын жергілікті халыққа қызмет көрсету орталығы арқылы заңдастырып, жұмысқа рұқсат алып, халықтың ҚР көші-қон заңнамасын бұзбай, жұмыс жасатқандарыңыз абзал. Егерде заң талаптарын орындамай өрескел бұзған жағдайда Қазақстан Республикасының заңдарының талаптарына сәйкес шара көрілетін болады, – деді Қызылорда облысы ПД бастығы Мұхтар Қожабаев
