Жетісай полицейлері тұрғынның ауласынан 35 түп сораны тәркіледі, – деп хабарлайды Polisia.kz.
Жетісай АПБ-ға жергілікті тұрғындардың бірінен ақпарат келіп түскен. Онда сырттай танысының бірі есірткі затын егіп, өсірумен айналысатыны жөнінде көрсетілген. Аталған жайт СДТБТ-ға ҚР ҚК-нің 300-бабы (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) бойынша тіркеліп, СДТТБТ-ға енгізілді. Хабар алысымен тәртіп сақшылары бірден жедел-іздестіру шарасына кірісті.
Осылайша, полиция қызметкерлері жинақталған ақпарат көздері арқылы күдікті тұрғынның жеке-басы мен мекенжайын анықтады. Полицейлер күдіктінің үйінің ауласын тексеру барысында егіліп, бапталған 35 түп есірткі өсімдігі анықталды. Айғақты зат ретінде алынған есірткіге ұқсас затқа сот-сараптамалық зерттеу тағайындалды. Сараптама қорытындысына сәйкес, алынған түп «сора» есірткі заты болып шықты.
Қазіргі таңда сотқа дейінгі тергеу амалдары жүргізілуде. Күдікті азамат қамауға алынды.
