Жетісу облысында ауыл тұрғынынан заңсыз сақталған неміс тапаншасы тәркіленді, – деп хабарлайды Polisia.kz.
Кербұлақ ауданының полицейлері заңсыз сақталған қару-жарақ пен оқ-дәрілерді анықтау бойынша елді мекендерде «Қару» жедел-профилактикалық іс-шарасы жүргізіліп жатыр. Іс-шара барысында Жайнақ батыр ауылының 54 жастағы тұрғынын ұстап, одан 8 мм калибрлі Rhoner Sportwaffen тапаншасын тәркіледі.
– Қазір осы факті бойынша барлық мән-жайлар анықталып жатыр. Қылмыстық іс қозғалды. Тәркіленген тапанша сараптамаға жіберілді, – дейді Кербұлақ АПБ.
