Павлодар облысы Полиция департаментінің қызметкерлері жалпыға ортақ пайдаланылатын автомобиль жолдарына, республикалық және жергілікті маңызы бар жолдарға зерттеу жүргізеді, – деп хабарлайды Polisia.kz.
Оның мақсаты – жол-көлік оқиғаларын болдырмау, жарақаттану және өлім-жітім деңгейін төмендету.
Биылға жылдың сегіз айында Павлодар облысында жалпы көлемі 25 059 шақырымды құрайтын жалпыға ортақ пайдаланылатын автомобиль жолдарына 995 зерттеу жүргізілді. Жүргізілген сауалнамалардың нәтижелері бойынша жолды қанағаттанарлықсыз күтіп ұстау және жолдарда жұмыстар жүргізу ережелерін бұзғаны үшін 146 лауазымды және заңды тұлғалар жауапкершілікке тартылды.
Сонымен қатар, есеп беру кезеңінде 89 теміржол өткелдері тексерілді. Оларды күтіп ұстаудың негізгі ақаулары – қажетті жол белгілерінің болмауы, жарықтың ақаулығы, жердің қанағаттанарлықсыз күйі және басқалары болып шықты. Нәтижесінде теміржол өткелдерін күтіп ұстау ережелерін бұзғаны үшін 17 лауазымды тұлға жазаланды.
Полицияның атап өтуінше, қазіргі уақытта республикалық маңызы бар 115 шақырым – «Астана – Ерейментау – Шідерті» және «Қызылорда – Павлодар» автомобиль жолдары қайта жаңғыртудан өтіп жатыр.
0-ден 10 шақырымға дейінгі Қалқаман – Баянауыл, 165-195 шақырым аралығында «Ленинский-Көктөбе-Б.Ақжар-Курчатов» автомобиль жолдарына күрделі жөндеу және «Қызылорда-Павлодар» тас жолындағы теміржол эстакадасын қайта құру жұмыстары да жүргізілуде.
Облыс орталығының көшелеріндегі көлік жүктемесін азайту мақсатында Димитров көшесі бойымен (Павлова көшесінен Камзин көшесіне дейінгі учаске) екі жақты трафикті енгізу туралы ұсыныс енгізіліп, жүзеге асырылды.
Облыс орталығының көшелерінде жол-көлік оқиғаларының болуын талдау арқылы полиция жол-көлік оқиғалары жиі болатын ең қауіпті сегіз қиылысты анықтады. Осы талдау негізінде, сондай-ақ азаматтардың Павлодар облысының әкіміне жолдаған өтініштері ескеріле отырып, жол қозғалысын ұйымдастыру мен қауіпсіздігін жақсарту бойынша ұсыныстар жіберілді.
Сонымен қатар, осы жылы қазір іске қосылған жаяу жүргіншілерге арналған қоңырау құрылғылары орнатылған қаладағы төрт мектепке қарама-қарсы бағдаршам нысандарының құрылысы бойынша жұмыстар жүргізілді. Облыс орталығы – Тереңкөл ауылында екі қиылыста бағдаршаммен реттеу енгізілді.
Сондай-ақ, Әкімшілік полиция бөлімінің нұсқамасына сәйкес, жаяу жүргіншілерге арналған жол қозғалысының қауіпсіздігін қамтамасыз ету үшін 75 жаяу жүргіншілер өткеліне строб шамдары орнатылды. Оларды орнату патрульдік автокөліктің болу әсерін тудырады және жаяу жүргіншілердің қауіпсіздік деңгейінің жоғарылауына ықпал етеді.
