Павлодар тұрғындары жоғалған телефонын тауып берген учаскелік полицейге алғыс айтты, – деп хабарлайды Polisia.kz.
Павлодар облысы Полиция департаментінің бастығы Василий Склярдың атына күн сайын өңір полицейлеріне деген алғыстар айтылады. Алғыс сөздер жазылған тағы бір хабарламаны Павлодар қалалық ПБ №4 учаскелік полиция бөлімінің учаскелік полиция инспекторы Баянбек Байсұлтановқа қатысты алды.
– Мен телефонның жоғалғаны туралы өтінішпен полицияға бардым. Учаскелік инспектор Баянбек Байсұлтанов бірден телефонымды іздеп, бір сағатқа жетпей гаджет қолыма тиді, – деп жазды ризашылық білдірген қала тұрғыны.
Өтініш беруші белгіленген жерге таксимен жетіп, біраз уақыттан кейін телефонының жоғалғанын білді. Әйел полициядан көмек сұрауға шешім қабылдады. Учаскелік инспектор Баянбек Байсұлтанов деректер базасынан автокөлікті тауып алып, такси жүргізушісіне хабарласты.
Осыдан кейін такси жүргізушісі көліктің ішін қарап, артқы орындықта телефонды байқады. Телефонда дыбыссыз режим қосылғаны анықталды, сондықтан жүргізуші оны бірден таппаған. Қала тұрғынымен бірге учаскелік полиция қызметкері такси жүргізушісімен кездесіп, табылған телефонды оған берді.
Осыған ұқсас жағдай бірнеше күн бұрын болған. Баянбек Байсұлтановқа баласы телефонын жоғалтқан әйел жүгінді. Жас жігітпен сөйлескен кезде Баянбек жас жігіт телефонын соңғы рет такси салонында қолданғанын анықтады. Кәсібилігі мен адалдықтың арқасында полиция қызметкері телефонды тапқан қала тұрғынын анықтады. Бір сағаттан кейін телефон иесіне қайтарылды.
– Жақсы және жедел жұмыс үшін учаскелік полиция қызметкеріне рақмет. Сізге зор денсаулық және қызметте сәттілік тілейміз, – деп жазды қала тұрғыны.
