Ақмола облысында оқушы мектепке барар жолда адасып кеткен, – деп хабарлайды Polisia.kz.
Тойтөбе ауылы тұрғындары тобының WhatsApp мониторингі кезінде Қосшы қаласы ПБ ЖПҚБ учаскелік инспекторлары Ренат Исаев пен капитан Рүстем Оразғалиді қалааралық автобус жүргізушісінің хабарламасы алаңдатты. Ер адам топ мүшелеріне оның маршрутында жеті жасар бала ересектерсіз соңғы аялдамаға жетіп, кері қайтқанын айтты. Полиция қызметкерлері дереу жүргізушімен байланысып, оқиға орнына келді.
Баланың елордада тұратыны белгілі болды, ал таңертең сабаққа шыққан, бірақ автобустарды шатастырып, адасып кеткен. Тәртіп сақшылары жоғалған баланың өзін, сондай-ақ оның ата-анасын анықтап, олармен байланысқа шықты.
Осы уақытқа дейін мұғалім баланың сабақта жоқтығын анасына хабарлаған, әйел полицияға жүгінгені белгілі болды. Кейінірек әйел қиыншылыққа тап болған ұлына қамқор болған барлық адамдарға, әсіресе полиция қызметкерлеріне алғысын білдірді.
