Астана тұрғыны дәріхананың кассасынан ақша ұрлап кеткен,- деп хабарлайды Polisia.kz.
Полицияға Бейбітшілік көшесіндегі астаналық дәріханалардың бірінің директоры ақша ұрланғаны туралы арызбен жүгінген.
Сарыарқа ауданы ПБ-ның криминалдық полиция қызметкерлері жедел-іздестіру шараларын жүргізу барысында ұрлық жасады деген күдікпен 36 жастағы астаналықты анықтады.
Белгілі болғандай, ер адам күндізгі сағат 13:45 шамасында дәріханада бола отырып, жұмыс орнында кассирдің жоқтығын байқаған.
Ер адам жақындап, оның әрекетін көрген куәгерлердің жоқтығын тексеріп алып, содан кейін ресепшнге барып, ақшаны ұрлаған.
Алайда, күдікті қылмыс орнынан кетіп бара жатқанда, оны дәріхана қызметкері байқап қалып, бірдеңе дұрыс емес деп күдіктенген ол ұрлаған затын қайтаруды сұрайды. Ұры қолының ептілігінің арқасында 15 мың теңгені сақтап қалып, кейін белгісіз бағытқа қашып кеткен.
Аталған факті бойынша сотқа дейінгі тергеу амалдары жүргізіліп жатыр. Оның елорда аумағында осыған ұқсас қылмыстарға қатыстылығы тексеріліп жатыр.
