Шымкент университетінде полиция қызметкерлері тәлімгерлік сағат өткізді, – деп хабарлайды Polisia.kz.
Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспары аясында, сондай-ақ білім беру мекемелерінде нашақорлықтың алдын алуға арналған 2023 жылғы бірлескен іс-шаралар жоспарына сәйкес, Шымкент универститетінде тәлімгерлік сағаты өтті.
Жиынға Шымкент қаласы полиция департаменті есірткі қылмысына қарсы іс-қимыл басқармасының аса маңызды істер жөніндегі аға жедел уәкілі Бауыржан Карбеков арнайы барып, қатысып қайтты.
Полиция қызметкерлері 30-дан астам жас буынға құқыққа қайшы мінез-құлықтардың салдары туралы түсіндіріп, есірткі қолданудың зияны мен оны саудалауға қатысқаны үшін заңда белгіленген жауапкершілік туралы ескертті.
Сонымен қатар жаңа психоактивті заттардың таралуы, синтетикалық есірткілердің зияны жөнінде толыққанды мәлімет беріп, одан аулақ болуға және салауатты өмір салтын ұстануға шақырды.
