«Құқықтық тәртіп» республикалық жедел-профилактикалық іс-шарасының бірінші күні Ақмола полицейлері мыңнан астам есепке алынған адамды тексерді, – деп хабарлайды Polisia.kz.
Жедел топтарға полиция қызметкерлерінен басқа еріктілер, үкіметтік емес ұйымдар мен Amanat партиясының өкілдері кірді. Рейдтік іс-шаралар басталар алдында Көкшетаудың бас алаңында «Құқықтық тәртіпті» жүргізуге тартылған күштер мен құралдардың кешенді нұсқаулығы өтті.
Департамент бастығының бірінші орынбасары Серік Әбутәліпов полицейлер мен қоғамдық тәртіпті сақтауға шақырған еріктілерге арнаған сөзінде жеке құрамды қызметтік міндеттерін адал атқаруға, қоғамдық тәртіпті бұзудың барлық фактілеріне жедел ден қоюға, ең бастысы, қызмет атқару кезінде азаматтарға құрметпен қарауға бағыттады. Жалпы гарнизондық нұсқаулық салтанатты шерумен аяқталды.
Полицейлермен жалпы құрылыста «Буран» жеке күзет агенттіктерінің экипаждары қатысты. «Күзет Сервис» агенттігінің қызметкері Игорь Вербицкийдің айтуынша, түрлі сын-тегеуріндерге жауап беруге тура келеді, ал басты талап өтініш түскен кезде жеделдік пен ұтқырлық талап етіледі.
Полиция жасақтары еріктілердің де көмегімен нығайтылды. Белсенді азаматтық ұстанымы бар жастар полицияның ерікті көмекшілерінің қатарына қосылуға ниет білдірді және ауа-райына қарамастан, полицейлермен бірге жалпы гарнизондық нұсқаулыққа, көшелерді одан әрі патрульдеуге және рейдтік іс-шараларға қатысты.
«Жастар Рухы» жастар қанаты төрағасының орынбасары Маржан Мускина мұндай форматтағы іс-шаралар белсенді жастар мен құқық қорғау органдарының бірлескен жұмысында жалғыз емес екенін атап өтті.
«Құқықтық тәртіптің» бірінші күні тұрғылықты жері бойынша 1100-ден астам есепте тұрған тұлға тексерілді, отбасылық-тұрмыстық қатынастар саласында 34 құқық бұзушылық анықталды. 564 әкімшілік құқық бұзушылық дер кезінде жолын кесілді, бұл ұсақ бұзақылық, ішімдік ішу немесе қоғамдық орындарда мас күйінде пайда болу фактілері және басқалар. Патрульдік нарядтар жол қозғалысы ережелерін бұзудың 250-ден астамын анықтады, барлығы бойынша тиісті материалдар жасалды.
