Ақтөбе облысында КамАЗ-21099 көлігі аударылып қалды, – деп хабарлайды Polisia.kz.
10 желтоқсан күні сағат 17.30-да мұнай өндіретін компаниялардың бірінің КамАЗ-21099 көлігінің 60 жастағы жүргізушісі кен орны жағынан Темір ауданы, Кеңқияқ кенті бағытында жолдың 26 шақырымында рульдік басқаруды игере алмай, көлік аударылып қалған.
Жол апаты салдарынан көлік жүргізушісі мен түрлі дене жарақаттарын алған алты жолаушы Кеңқияқ ауылдық ауруханасына жеткізілді.
Полиция департаменті көлік жүргізушілерін жол ережелерін қатаң сақтауға шақырады.
