Полицейлер Жаңа жыл қарсаңында Қарағанды облысының тұрғындарына пиротехникалық заттарды қолдану ережелерін еске салады, – деп хабарлайды Polisia.kz.
Қарағанды облысының ПД Әкімшілік полиция басқармасы Жаңа жыл мерекесі қарсаңында түрлі пиротехникалық заттар мен бұйымдарды пайдалану кезінде абай болуға шақырады. Әсіресе, жаңа жылдық мерекелік отшашулар адамдар көп жиналатын жерлерде, соның ішінде жабық бөлмелерде өткізілсе, әртүрлі жарақаттар, күйік және дене жарақаттары қаупі артуы мүмкін.
«Лицензиялау туралы» Қазақстан Республикасы Заңының 20-бабына сәйкес пиротехникалық заттар мен олар қолданылған бұйымдарды әзірлеу, өндіру, сатып алу және өткізу міндетті лицензиялауға жатады. Осыған байланысты азаматтық пиротехникалық заттар мен олар қолданылған бұйымдарды сақтауды, саудалауды, есепке алуды, пайдалануды, тасымалдауды, жоюды, әкелуді және әкетуді жүзеге асыратын барлық заңды және жеке тұлғалардың осы қызмет түріне тиісті лицензиясы және сақтауға рұқсаты болуы тиіс.
«Азаматтық пиротехникалық заттарды және олар қолданылған бұйымдарды сақтау, есепке алу, пайдалану, тасымалдау, жою, әкелу, әкету қағидаларына» сәйкес пиротехникалық заттардың бөлшек саудасы тек дүкендерде, бөлімшелер мен дүкендердің бөлімдерінде, павильондар мен дүңгіршектерде жүзеге асырылады.
Заңды және жеке тұлғалардың аталған заттармен лицензиясыз және рұқсатсыз еркін саудасына тыйым салынады. Дегенмен, соңғы жылдардағы тәжірибе көрсеткендей, Жаңа жыл қарсаңында азаматтар көп жиналатын орындарда, сауда орталықтары, дүкендер, базарлар маңында пиротехникалық заттарды белсенді түрде сатуда.
Сапасыз пиротехникалық заттарды қолдану салдарынан тұрғындардың, әсіресе балалардың жарақаты мен жарақаттануын болдырмау үшін полицейлер тек сертификатталған өнімдерді сатып алуды ұсынады. Ал пиротехникалық бұйымдарды сатып алғанда азаматтар өз сатушыларынан лицензия мен сертификатты талап етуге құқылы. Егер олар пиротехникалық заттардың стихиялық саудасы туралы білсе, бұл туралы «102» телефоны арқылы хабарлау ұсынылады.
Полицейлер азаматтық пиротехникалық бұйымдарды лицензиясыз және рұқсатсыз сатқаны үшін ӘҚБтК-нің 109-бабына сәйкес 25 АЕК мөлшерінде айыппұл салу түрінде әкімшілік жауапкершілік қарастырылғанын еске салады.
