Ақтөбелік тәртіп сақшылары заңсыз айналымнан 11 қаруды тәркіледі, – деп хабарлайды Polisia.kz.
Жедел жағдайды сауықтыру, заңдылықты, құқықтық тәртіпті және қауіпсіздікті қамтамасыз ету бойынша шаралар қабылдау, сондай-ақ төтенше жағдайдың салдарын жою мақсатында 16 қаңтардан бастап ағымдағы жылдың ерекше өкіміне дейін Ақтөбе облысының аумағында “Құқықтық тәртіп” жедел алдын алу іс-шарасы өткізіледі.
Жедел алдын алу іс-шараларын жүргізу кезінде қоғамдық орындарда қылмыстарды болдырмауға, кезекші тәуліктерде қылмыстарды “ізін суытпай” ашуға, сондай-ақ тыйым салынған заттарды заңсыз алып жүру мен сақтауды анықтауға ерекше назар аударылады.
Сонымен қатар, патрульдік полиция жасақтарының саны артып, жұмысы күшейтілді.
Сондай-ақ, полиция қызметкерлері жалға берілетін пәтерлерді, қонақ үйлерді, хостелдерді және саяжай алаптарын тексеріп жатыр.
Іс-шараны өткізу кезеңінде полиция бөлімінің қызметкерлері заңсыз айналымнан 11 қаруды, оның ішінде 10 тегіс ұңғылы қаруды және бір газды қаруды тәркіледі. Оқ-дәрілерді табу мен тәркілеудің – екі, ұсақ бұзақылықтың 593, қоғамдық орындарда мас күйінде болудың 647 және ҚР-да тіркеусіз немесе жеке басын куәландыратын құжаттарсыз тұрудың 831 дерегі анықталды.
