СҚО бойынша ҚАЖД мекемесінде үздік жасақ бастығы анықталды, – деп хабарлайды Polisia.kz.
СҚО бойынша ҚАЖД ЕС-164/3 мекемесінде сотталғандар арасында тәрбие және әлеуметтік-психологиялық жұмыс бөлімінің қызметкерлерінің қатысуымен «Үздік жасақ бастығы» байқауы өтті. Барлығы бес жасақ бастығы қатысты.
Байқау төрт кезеңнен тұрды. Бірінші кезеңде қатысушылар өздерін таныстырып, эмблемасын ұсынды. Екінші кезеңде қатысушылар жасақ буынындағы тәрбие жұмысының жаңа әдістері, сотталғандармен сабақ өткізу туралы бейнероликтер дайындады. Байқаудың үшінші кезеңінде қатысушылар алғашқы медициналық көмек көрсету дағдыларын көрсетті, сондай-ақ практикалық қызметтен ситуациялық сұрақтарға жауап берді. Жасақ бастығының құжаттарын жүргізу, журналдарды толтыру тәртібі мен уақыты конкурстың төртінші кезеңінде ескерілді.
Байқау қорытындысы бойынша I-ші орынға СҚО ҚАЖД ЕС-164/3 мекемесінің сотталғандар арасындағы тәрбие және әлеуметтік-психологиялық жұмыс бөлімінің жасақ бастығы Санат Қазбеков, II-ші орынға Болатұлы Қуандық, III-ші орынға Азамат Құсумбаев ие болды.
Жеңімпаз мекеме намысын Солтүстік Қазақстан облысы бойынша ҚАЖ департаменті базасында өтетін облыстық байқауда қорғайтын болады. Байқау қорытындысы бойынша жеңімпаздар грамоталармен марапатталды.
